أعلن أنه مرييض وفي وضع مادي صععب .. مصطفى الدلاجي يتدخل: يا ناس هذي حقيقة شنوة صاير مع الفنان منصف عبلة هذا شنوة قالي طبيبو الخاص

 كشف الفنان الشعبي مصطفى الدلاجي ان زميله منصف عبلة إدعى المرض بـ"السرطان" لكنه في الحقيقة ليس لديه أي مرض.

و أوضح الدلاجي خلال مداخلته في برنامج "جودي تو" على قناة "الحوار التونسي" قائلا "على قول الرسول "ان الله لا يستحي من الحق.. يمكن من سوء حظي الي انا عندي خصومة صغيرة مع المنصف عبلة.. أنا وقت سمعت كلمت ماهر الهمامي قتلو علاش ما كلمتنيش قلي ما نجمتش خاطر عندك خصومة مع المنصف.. قتلو الخصومة تتأجل المرض ما يتأجلش".

و تابع قائلا "بعد نهارين تحصلنا على نومرو الطبيب و يا خيبة المسعى قاللنا المنصف ما عندو شي، كيفاش المنصف مش متأكد مالمرض و مازال ما عملش التحاليل و يعلنو اكيد فما حاجة ، ما تنجمش تقول عندي مرض خايب و انتي ما عملتش l'IRM.. الحاجة خلاتو يعمل هكا، 6 شهور لتالي في فكرة سامي طرح مشكلتو المادية و طلعت ماهيش rentable الحكاية ولى زاد في الدوزة شوية يعني تمارض و أكبر دليل الي انا و غيري نڨزنا باش نعاونو و ثما إلي ما عندوش و عطى 100 دينار مصروف جمعة كاملة و نحب نشكر الفنانين الكل ".