هل هناك إستعمال مفرط للسلطة لعبت
فيها ألوان الفرق دور في الموضوع وخاصة
أن زياد كلامه متع تونس الكل تعرف وجع
برشا ناس ويحبو يسجلو عليه أهداف بأي
طريقة ..
وهوك جاء تحت الزرصة نوقفوه بش يتعلم
يجبد الترجي
تابعنا من ليلة البارحة ما يجري وخيرنا
الصمت وعدم الخوض في الموضوع لأننا
عندنا ثقة كبيرة في القضاء
كل ما قيل ويقال في الإعلام وعناوين
إذاعات العهر والرذيلة عاري من الصحة
ووقع تضخيمه وتهويله ... وفي الحقيقة
الكلام الي تقال خلانا نشكو أن توقيف زياد
كان مخطط له لأسباب سبق وذكرناها وهي
نعملولو قرصة بش يتربى
إلي تقال الكل في الإعلام و الفيسبوك
والعناوين الرنانة من تورط زياد الجزيري في
قضية مراهنات رياضية عاري من الصحة ...
رينا فيها برشا شماتة وبرشا تشفي في
شخص أو إنسان كل ذنبو أنه يقول كلمة
الحق وانه يحب فريقه النجم الساحلي ويغير
عليه وأنه كان سبب في فرحة التوانسة
بالكأس الإفريقية الوحيدة في تاريخ تونس
في 2004
زياد الجزيري ماهوش ملايكة وماهوش
معصوم من الخطأ و كان غلط يخلص ولكن
المرة هذه زياد مظلوم ولا عملت يدو ولا
ساقه والظلم ماهوش باهي ... وفما ربي
قضية بروموكوت موش مجبود فيها زياد
الجزيري فقط ولكن مجبود فيها كل
العاملين في قناة التاسعة وكل
الكرونيكورات و الإعلاميين وعديد الرياضيين
وأسماء كبيرة ، وهي حسب علمنا مجرد
زوبعة في فنجان لا أكثر ولا أقل ومجرد
إجراءات قانونية عادية بيش يبحث فيها عديد
الوجوه الرياضية .
زياد الجزيري البارح مشى يبحث في مركز
حرس بومهل في بن عروس من غير محامي
، مشی بساقيه بعد ما كلموه قالولو حكاية
عادية لقينا شاكات بإسمك عند صاحب
شركة بروموكوت إيجا فسرلنا الموضوع
مشى بش يعطي أقواله يلقى روحه موقف
...!!! (الحبس ولا ساهل برشا في تونس)
ما حبيناش ندخلو برشا في التفاصيل لأن :أمور بيد القضاء ولكن تلزينا بش نقولو
الحقيقة كيما هي بش الشارع الرياضي
وخاصة أحباء النجم الرياضي الساحلي تفهم
الموضوع ، و إن شاء الله القانون والعدل
لعائلته
ياخذ مجراه وزياد اليوم يروح
ولصغاره وداره إلي تحيرو عليه
الشماتة خايبة اليوم عند زياد وغدوة عندك
إنت
بالنسبة للناس المتشمتين في زياد الجزيري
ما تفرحوش برشا والحي يروح وكيما قال
سيد الخلق رسولنا الكريم صلى الله عليه
وسلم : " البر لا يبلى والذنب لا ينسى
والديان لا يموت اعمل ما شئت كما تدين
تدان" ... صدق رسول الله
لقراءة نص المقال من المصدر إضغط هنا
تعليقات
إرسال تعليق