رابعة السافي :”فما إعلامي بطّال مالقاش وين يدُك رايو.. نهار كامل يفتي لا خلى فن لا سياسة” (فيديو)

كتبت الممثلة رابعة السافي تدوينة على حسابها الخاص تنتقد فيها الإعلامي سمير الوافي، وتصفه فيها بالإعلامي البطال وبأنه يريد فرض نفسه في جميع المواضيع، وجاء في تدوينتها :” فما إعلامي ضرب عام بطال بعيد على التلافز يخي شدو الحكاك على رايو ما لقاش وين يدكو، وزيد خايف يرعش لا الناس تنساه و العام الجاي ما تعيطلو حتى تلفزة، ولاّ في المواضيع الكل يكتب حتى فلي ما يفهمش فيها، حاسيلو نهار الكل ينظر علينا و يربي فينا، لا خلا لا سياسة لا دين لا فن لا غيرو و نهارت الي مايصير شيء في البلاد يسرق ستاتويات العباد و يهبطهم على اساس متاعو( لتوا لا ننسى حكاية Gad و منقالة بوه الي مهبطها على اساس ذكرياتو مع بوه الله يرحمو بكل ثق في النفس و بكل شعبوية و متاجرة بالأموات) المهم، توا نهارين السيد مشا يتفرج في قرطاج في ثلة من الكوميديين من احسن ما عنا توانسة في تونس و فرانسا، ستة يتعداو ورا بعضهم كل واحد يقعد هااكربع ساعة، بالطبيعة السيد هاذا كي العادة مادد وجهو في الصفة الاولى في الوسط وجهو في وجه الفنان الي فوق الركح.. قريب يوفا العرض مزال كان سامية أورسمان دخلت عينيها بالدموع اول مرة تطلع فوق ركح قرطاج في بلادها تحاول قد ما تنجم تحكي بالعربي ، يقوم هو بكل صحة رقعة في وجها و يهز روحو و يروح، دخلت بعضها وقصت على العرض و قاتلو بكل ادب قدام قرطاج الكل : Merci d’être venu”. وأضافت :”و امي دخلت للسبيطار مالصدمة ما نجمتش تتكلم… و هو لليوم ما عندي عليه حتى خبر…سمع مبعد الي الحكاية كانت محضرة مع امو و عايلتو من قبل.. حاسة بحرقة كبيرة و حبيت جيست نفهم علاش عمل هكا اكهو… الواحد في لخر يقول الحمد لله على كل حال و مكتوب و لعل فيها خير و دفعة بلا و ربي مكتبلي ما خير “.