تداولت عدد من الإذاعات والصفحات خبرا مفاده أن مسنة تبلغ من العمر أكثر من ستين سنة فارقت الحياة عصر السبت 13 جويلية 2024، بعد أن قام كلبها من نوع “أكيتا” بالتهجم عليها وإنهاء حياتها داخل منزلها بمنطقة المرازقة من معتمدية الحمامات.
وأثار الخبر جدلا واسعا عبر صفحات مواقع التواصل الاجتماعي واستغرب الكثيرون من قيام الكلب بمثل هذا الفعل خاصة وأنه عرف بوفائه وإخلاصه.
وحول التفاصيل وردا على الخبر، نشرت صديقة المسنة الراحلة تدوينة مطولة عبر حسابها الخاص تنفي من خلالها أن يكون الكلب هو الفاعل، كاشفة أنه متعلق بالفقيدة ويحبها كثيرا.
وجاء في تدوينتها :”
انا ضد انه انسان يتوفى واصحابه يهبطو كابتير ميسانجر وهبطت المنشور هذا خاتر برشا ميساجات وبرشا اسألة وصلوني :
1 في مايخص وفاة اختنا الغالية نعيمة كافي واللي كنا متواصلين مع بعضنا من 2018 برشا باجات الحمامات ونابل وغيرهم خذاو التصويرة من بروفيلي اللي هي بعثتهالي في الميسانجر وانا هبطتها البارح باش نرحم عليها والباجات برتاجاوها وكتبو الخبر الكاذب..
2 الكلب ماللي شراه ولدها في ماي 2022 وقتها عمره 3 شهور والمرحومة تسال فيا كفاش توكلو وتتلهى بيه وعملتلو التلاقيح اللازمة الكل وكانت تبعثلي حتى فيدوات قطاطس مرضى منعتهم من الشارع باش نعاونها وتداويهم
3 الكلب يدور معاها في الدار مسيب ويرقد في فرشها ومتعلق بيها برشا حتى قهوة الصباح ياكل معاها يستحيل باش يتهجم عليها
4 مرة جارها خرج الكلب وتهجمو عليه كلاب شارع ومادافعش على روحو كيفاش يوصل يتهجم على المرا اللي لاهية بيه وتوكل فيه؟
5 كيفاش كلب يتهجم على مرا والجيران ما يسمعوش صياح وعياط؟
اللي صور الفيديو وهبطو فيه الكلب مربوط شكون اللي ربطو وقت اللي هو ديما يدور مسيب وكفاش عرف اللي هي توفات وصور فيديو بالزوم رغم اللي المسافة ظاهرة موش عالية برشا ماسمعوش صياح ؟
7 الكلب شبيه ماهجمش عاللي صورو وهو قاعد ملطخ بال-دم وماتحرك حتى حركة؟
8 علاش الامن تسرعو وقت-لوه الكلب وقت اللي فما شكون بكل راحتو صورو قاعد ؟
9 مدة مايقارب 7 شهور لتالي المرحومة فما شكون حب يدخل للدار وكي لقاو الكلب هربو
10 البارح س12.15 حكات مع صديقتنا من سوسة وقالتلها باش تخرج توكل قطاطس الشارع والله اعلم خرجت والا لا؟
وتوا تقرير الطب الشرعي هو اللي باش يبين سبب وفاتها نفرضو انه عندها خباش عندها خبشة قطوسة من نهار الاربعاء و ينجم يكون كلبها شافها طايحة حب يفيقها وخبشها وما تثبت حكاية الكلب قت-لها الا مايكون عندها اعراض عض ولو انه يستحيل ويستحيل انه هو تهجم عليها ويكون سبب موتها
ان شاء الله ربي يظهرلها حقها وربي يخلص حق عشيرها اللي تق-تل ظلم ..
ان شاء الله ربي يصبر وليدها اللي تشوى وتقهر عليها وزيد قت-لولو كلبو..
ان شاء الله ربي يتقبلها برحمته الواسعة ويثبتها عند السؤال وان شاء الله البكمة اللي نقذتها ووكلتها وشربتها وعالجتها تشهدلها قدام ربي”.
تعليقات
إرسال تعليق